Мен Сеитова Маржан Саулебаевна көпбалалы ана ретінде Жас Прожект бағдарламасына қатысып, қайтарымсыз грант ұтттым. Осы бағдарлама аясында «қазақы нақышта ағаштан балаларға арналған дамытушы ойыншықтар шығару» жобасын сәтті іске асырдым.
Лазерлі станокпен ағашты ою арқылы бірнеше түрлі дамытушы ойыншықтарды қазақы нақышта жасап шығардым. Дайын ойыншықтарды қасына тәттілерін қосып көпбалалы үйдің балаларына тараттым. Баласын қуантқан соң әрбір ана жақсы тілектерін білдірді.
Ақтоғай ауданындағы қазақтың ұлттық құндылықтарын дәріптеп отырған бірден бір мекеме Археологиялық этнографиялық мұражайға да бір данасын табыстадым. Ол кісілер де өздерінің оң пікірлерін білдірді.
Қарағанды қаласының “Өзім” орталығының логопед маманы Лаура Мейрамқызына да бір данасын табыстадым.
Баланың бойына ұлттық құндылықтарды дәріптеу үшін ойыншықтар да сол бағытта жасалса деп ниеттенген болатынмын. Өз ойымдағыдай дамытатын, қазақы нақышта, табиғи материалдан ойыншық жасалды.
Жобаның іске асуына Жас Прожект бағдарламасын іске асырушы ұжымның көмегі зор болды. Онлайн кездесулерде әрбір мәселені талқылап, бағыт бағдар беріп, түрлі психологиялық тренингтер де өтті.
Алда осы жобамды дамытып, ойыншықтың түрлерін көбейту, дүкендермен келісім шартқа отыру, кәсіпке айналдыру жоспарда.
Осындай мүмкіндік берген Азаматтық бағдарламаларды қолдау орталығы мен Жас Прожект бағдарламасына алғысым шексіз.