Мен, Сыздықбеков Ескендір Германович, Roboclub робототехника жобасының негізін қалаушы Жас Прожект бағдарламасына қатысу арқылы, қайтарымсыз грант жеңіп алып, өз жобамды сәтті іске асырдым. Бұл жоба балаларды техникаға қызығушылығын арттыру, олардың инженерлік және шығармашылық қабілеттерін дамыту мақсатында құрылған.
Roboclub аясында түрлі роботтарды құрастыру, бағдарламалау, электроника негіздерін үйрену бойынша сабақтар ұйымдастырдым. Заманауи жабдықтарды пайдалана отырып, балалар өздерінің алғашқы роботтарын жасап қана қоймай, оны түрлі қозғалыс әрекеттеріне бейімдеді. Бұл олардың техникалық білімін тереңдетіп, жаңа дағдыларды игеруіне мүмкіндік берді.
Жобаның сәтті іске асуына Жас Прожект бағдарламасы ұсынған кеңестер мен тренингтердің ықпалы зор болды. Бағдарлама жетекшілері жобаға стратегиялық көзқарас пен дұрыс бағыт ұсынды, ал команда жұмысын жетілдіруге қажетті тренингтер өткізілді.
Алдағы уақытта Roboclub-ты кеңейтіп, облыстық деңгейде филиалдар ашу, робототехникаға арналған кәсіби жабдықтарды пайдаланып, оқу бағдарламасын жетілдіру жоспарымда бар.
Осындай мүмкіндік ұсынған Азаматтық бастамаларды қолдау орталығына және Жас Прожект бағдарламасына алғысымды білдіремін!